Bäsleşik 5 menzilden ybarat bolup, oýun “Gadymy Marguşdan Parfiýa çenli: Parahatçylyk sungatynyň siwilizasion ýörelgeleri” temasy boýunça geçirildi. Akyl-paýhas bäsleşigine jemi ýurdumyzyň zehinli okuwçylaryndan 16-sy gatnaşdy. Bäsleşigiň netijesinde 4 sany okuwçy bäsleşigiň indiki tapgyryna gatnaşmaga hukuk gazandy.
Akyl-paýhas bäsleşiginiň bu möwsüminiň 1-nji oýnunda 3-nji menzilde soraglar we jogaplar iňlis dilinde alnyp baryldy.
Bäsleşigiň indiki tapgyryna gatnaşmaga hukuk gazanan okuwçylar:
- Yhlas Hallyýew – Maýa Kulyýewa adyndaky türkmen milli konserwatoriýasynyň ýanyndaky ýörite sazçylyk mekdep-internatynyň 11-nji synp okuwçysy;
- Wepa Rozyýew – Aşgabat şäherindäki Saparmyrat Türkmenbaşy adyndaky ýöriteleşdirilen umumybilim berýän mekdep-internatynyň 11-nji synp okuwçysy;
- Hezretaly Myradow – Aşgabat şäheriniň 32-nji orta mekdebiniň 11-nji synp okuwçysy;
- Dawut Gezerow – Mary welaýatynyň Mary şäheriniň iňlis dili we ynsançylyk ugurly okuw derslerini çuňlaşdyrylyp öwredilýän ýöriteleşdirilen welaýat mekdebiniň 11-nji synp okuwçysy.
