Maýa Kulyýewa adyndaky Türkmen milli konserwatoriýasynda talyp ýaşlar halypa mugallymlardan tälim alyp, saz barada ençeme zatlary öwrenýärler, saza içgin aralaşýarlar. Mälim bolşy ýaly, konserwatoriýada mugallymlaryň we zehinli talyplaryň gatnaşmagynda konsertler, festiwallar, bäsleşikler yzygiderli geçirilýär.
Maýa Kulyýewa adyndaky Türkmen milli konserwatoriýasynda ýurdumyzyň saz muşdaklaryny täze zehinli ýaşlar bilen tanyşdyrmak maksady bilen “Konserwatoriýanyň zehinli ýaşlary – 2022” atly Noýabr saz festiwaly geçirilýär. Noýabr aýynyň içinde “Konserwatoriýanyň zehinli ýaşlary-2022” atly saz festiwalyň çäklerinde 28 konsert yzygiderli geçiriler. Tomaşaçylar festiwalda ýerine ýetiriljek görnükli türkmen we daşary ýurt kompozitorlarynyň eserleri bilen tanyş bolarlar.
Ähli saz söýüjileri festiwala çagyrýarys!
Ogulnur SULTANOWA,
Maýa Kulyýewa adyndaky Türkmen milli konserwatoriýasynyň sazşynaslyk hünäriniň 1-nji ýyl talyby.
