2022-nji ýylyň 15-nji dekabryndan 2023-nji ýylyň 29-njy ýanwaryna çenli dowam etjek 28-nji gyşky söwda festiwaly şu ýyl Dubaýda geçiriler. Söwda we güýmenje pudagyndaky esasy wakalar 46 gün dowam eder. Bu barada «Visit Dubai» habarlar agentligi habar berýär.
Gyşky söwda festiwalyna gatnaşjak bu ýylky myhmanlara 46 günlük dowam etjek satuwda arzanladyşlar we gastronomik lotereýalar garaşylýar. Mundan başga-da, şu ýylky festiwalda DSF-niň maksatnamasyna laýyklykda «Burj Park»-daky meşhur «Etisalat MOTB» bazary tarapyndan ýagtylyk şüweleňi hem-de gyzykly «Dubai Lights» sergisi geçiriler. Dubaýyň festiwallary we bölek söwda dolandyryş bölüminiň baş müdiri Ahmed Al-Hajyň aýtmagyna görä, gyşky söwda festiwaly Dubaýyň iň gowy baýramçylyklarynyň birine öwrüldi.
Hudaýberdi AZADOW,
Türkmen oba hojalyk institutynyň Agroinžener hünäriniň 1-nji ýyl talyby.
