21-nji oktýabrda Maýa Kulyýewa adyndaky Türkmen milli konserwatoriýasynyň we Tatarystan Respublikasynyň Kazan şäherindäki N.I.Žiganow adyndaky Kazan konserwatoriýasynyň bilelikde guramagynda wideo aragatnaşyk arkaly ylmy-amaly maslahaty geçirildi.
Bu maslahata konserwatoriýanyň ýaş alymlary hem-de Ýaş alymlar geňeşiniň işjeň agzalary özleriniň ylmy makalalary bilen çykyş etdiler we daşary ýurtly ýaş alymlaryň alyp barýan işleri bilen tanyşdylar. Iki ýurduň arasynda öran täsirli geçen bu ylmy maslahat türkmen halkynyň milli aýdym-saz sungatyny dünýä ýaýmaga ýardam etdi. Maýa Kulyýewanyň muzeýinde geçirilen bu maslahatda dürli temalar boýunça, ýagny kompozitorlyk, opera, dessan we folklor žanrlaryna gönükdirilen mazmunly çykyşlar diňlenildi. Şeýlekin ylmy-amaly maslahatlaryň yzygiderli geçirilmegi beýleki halklaryň saz medeniýetine içgin aralaşmaga, ýaş alymlaryň ylmy gözleg işlerini kämilleşdirmäge uly itergi berýär.
Gülşat KADYROWA,
Maýa Kulyýewa adyndaky Türkmen milli konserwatoriýasynyň sazşynaslyk hünäriniň 5-nji ýyl talyby.
