2022-nji ýylyň Nobel hepdeligi 3-nji oktýabrda fiziologiýa we lukmançylyk ugurlary boýunça baýrak eýeleriniň atlarynyň yglan edilmegi bilen başlanypdy. 4-nji oktýabrda fizika, 5-nji oktýabrda himiýa, 6-njy oktýabrda edebiýat, 7-nji oktýabrda bolsa, parahatçylyk boýunça Nobel baýragyň eýeleri saýlanyp seçildi. Däp bolşy ýaly, bu abraýly baýrak Alfred Nobeliň aradan çykan güni bolan 10-njy dekabrda gowşurylar. Her bir ugur boýunça pul baýragynyň mukdary bolsa 10 million krondyr.
Şu ýylyň Ykdysadyýet boýunça Nobel baýragyna alymlar Ben Bernanke, Duglas Daýmond hem-de Filip Dibwig dagylar banklaryň çökmeginiň öňüni almagyň möhümdigi barada giňişleýin düşünje berendikleri üçin mynasyp boldular. Bu ýylky baýrak eýeleriniň banklaryň ykdysadyýetdäki orny, şeýle-de maliýe çökgünlikleri baradaky düşünjäni artdyrandyklary bellenilýär. Geçen ýyl bu abraýly baýragyň ykdysadyýet ugry boýunça Dewid Kard, Joşua Dewid Angrist we Gwido Imbens sebäp we netije baglanyşygyny seljermekde usulyýet goşantlaryny goşandygy üçin mynasyp bolupdylar.
1901-nji ýyldan 2021-nji ýyla çenli Ykdysadyýet boýunça Nobel baýraklary 53 gezek gowşuryldy.
Muhammet GELDIMYRADOW,
Türkmenistanyň Daşary işler ministrliginiň Halkara gatnaşyklary institutynyň Halkara žurnalistikasy fakultetiniň talyby.
