Mälim bolşy ýaly, häzirki wagtda Bahreýnde agyr atletika boýunça Aziýa çempionaty dowam edýär. Türkmenistanly türgen Ýulduz Jumabaýewanyň yklymyň çempionatynyň bürünç medalyna mynasyp bolandygy barada AWF-iň resmi web saýtynda habar berildi.
Türkmen türgeni 49 kilogram agram derejesinde bagtyny synady. Silterläp 75 kg agyrlygy, itekläp 97 kg agramy boýun egdirmegi Ýulduzyň iki görnüşiň jemi boýunça 172 kilogramlyk netijesini şertlendirdi. Şunlukda, türkmenistanly gyz Aziýa çempionatynyň hormat münberiniň üçünji basgançagyna çykmaga hukuk gazandy.
«TürkmenGazet».
