Bedenterbiýe we sport bilen yzygiderli meşgullanmak gündelik durmuşymyzyň aýrylmaz bir bölegine öwrüldi. Mekdep okuwçylarymyz hem öz sport endiklerini kämilleşdirmek, has ýokary sport netijelerini gazanmak üçin yzygiderli türgenleşip, dürli ýaryşlara gatnaşýarlar.
Mukaddes Garaşsyzlygymyzyň şanly 31 ýyllyk baýramy mynasybetli ýakynda küşt boýunça Saýat etrabynyň birinjiligini eýelemek ugrunda 10 ýaşa we 14 ýaşa çenli okuwçy gyzlaryň arasynda, şeýle-de 12 we 14 ýaşa çenli okuwçy oglanlaryň arasynda ýaryş geçirildi.
Ýaryş Saýat şäheriniň 1-nji sport mekdebinde guraldy. Ýaryşa Jennet Orunowa, Leýla Mömünowa dagylar eminlik etdiler. Ýaryşda gyzlardan M.Hemraýewa, G.Rozynýazowa, S.Agalyýewa, E.Azadowa, S.Şöhratowa, oglanlardan N.Geldimyradow, G.Berdigulyýew, A.Şöhradow, K.Joraýew baýrakly orunlary eýelediler.
Jennet ORUNOWA,
Saýat etrabynyň 1-nji sport mekdebiniň tälimçisi.
