Arda Turan professional futbol karýerasyny tamamlandygyny: «Indi aýakgaplary batyrgaýlyk, gözýaş bilen asmagyň wagty geldi. Syýahatymyň dowamynda elimden gelenini etmäge synanyşdym. Erbet iş eden däldirin diýip pikir edýärin. Futbol meýdançasynda ýene-de duşuşýançak sag boluň» diýip, aýaly Aslyhan Doğan Turanyň YouTube hasabyndan wideo arkaly habar berdi.
Karýerasyna Baýrampaşa Altintepsi-de başlan ýyldyz futbolçy Arda Turan, Galatasaraý, Manisaspor, Atletiko Madrid, Barselona we Başakşehir formalaryny geýdi. Arda Turan 2007-2008-nji ýyllarda Galatasaraý bilen ilkinji çempionlygyny gazandy.
2011-nji ýylda 13 million ýewro bilen La Liganyň «Atletiko Madrid» toparyna geçirilen ýarymgoragçy, 34 million ýewro transfer tölegi bilen 2015-nji ýylda Barselona geçipdi. Türk futbolynyň adyndan möhüm ädim ädip, Barselona geçen Arda Turan, Messi we Neýmar ýaly ýyldyz oýunçylar toparyna gatnaşdy. Arda Turan Kataloniýa topary üçin 55 oýunda 15 gol we 10 asist berdi.
«TürkmenGazet».
