Şu gün — 14-nji sentýabrda Türkmenistanyň Daşary işler ministrliginiň Halkara gatnaşyklary institutynda Türkmenistanyň Baş prokuraturasynyň, Türkmenistanyň Ýokary kazyýetiniň, Içeri işler ministrliginiň, Aşgabat şäheriniň Talyplar saglyk öýüniň wekilleriniň gatnaşmagynda wagyz-nesihat duşuşygy geçirildi.
Duşuşykda ýaşlaryň arasynda terbiýeçilik işlerini güýçlendirmek, olaryň hukuk bilimlerini artdyrmak, zyýanly endikleriň adamyň saglygyna ýetirýän zyýany baradaky sowatlylygyny ýokarlandyrmak, hukuk bozulmalarynyň öňüni almak, milli däp-dessurlarymyzy berjaý etmek giňden wagyz edildi.
Maslahatyň ahyrynda wagyz-nesihat duşuşygyna gatnaşyjylar ýaşlaryň milli ruhda terbiýelenmegi babatda uly işleri durmuşa geçirýän hormatly Prezidentimize köp sagbolsun aýtdylar.
Şamaral GARAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.
