Geçen şenbe güni Aşgabat atçylyk sport toplumynda at çapyşygynyň güýzki möwsüminiň açylmagy mynasybetli ýetginjek çapyksuwarlaryň gatnaşmagynda at çapyşygy geçirildi.
Oňa tomaşa etmäge ministrlikleriň we pudaklaýyn dolandyryş edaralarynyň, jemgyýetçilik guramalarynyň, köpçülikleýin habar beriş serişdeleriniň wekilleri, hormatly ýaşulular, pudagyň işgärleri hem-de at çapyşyklarynyň muşdaklary ýygnandylar.
Ýekşenbe güni bolsa Aşgabat atçylyk sport toplumynda at çapyşyklary ussat çapyksuwarlaryň gatnaşmagynda geçirildi. Ýedi aýlawdan ybarat bolan çapyşyklarda iň ýyndam bedewler öňe saýlanmagy başardylar.
«TürkmenGazet».
