Bosagada — 1-nji sentýabr, täze okuw ýyly. Ýurdumyzda täze okuw ýylyna giň gerim bilen taýýarlyk görülýär. Bu güne 1-nji synpa gitmeli körpejeler has hem sabyrsyzlyk bilen garaşýarlar. Çünki täze okuw ýylynyň başynda olara Türkmenistanyň Prezidentiniň adyndan okuwçy noutbuklary gowşurylar.
Kompýuterleriň operasion ulgamy okuw maksatnamalaryndan başga-da, aň ösdüriji dürli goşundylary goýmaga mümkinçilik berýär. Şahsy kiçi kompýuteriň operatiw huşy iki gigabaýt, içerki hakydasy 32 GB-a niýetlenen.
Mundan başga-da, ýörite programmalarda türkmen, rus we iňlis dilleri bar, bu bolsa daşary ýurt dillerini çuňlaşdyryp öwrenýän çagalar üçin örän oňaýlydyr.
«TürkmenGazet».
