9 — 11-nji iýulda ýurdumyzda üç günläp Gurban baýramy ýokary derejede bellendi, gurbanlyk sadakalary berlip, ýagşy doga-dilegler edildi. Hormatly Prezidentimiziň Permanyna laýyklykda, 10-njy iýuldaky dynç gününiň 12-nji iýula geçirilmegi bilen, ýurdumyzda şu gün hem dynç alynýar.
Gurbanlyk günlerinde ýurdumyzyň ähli sebitlerindäki «Türkmeniň ak öýi» binalarynyň golaýynda toý dabaralary uludan tutuldy. Ildeşlerimiz birek-biregiňkide myhman boldular, aýdym-sazly dabaralara gatnaşdylar, hiňňildik uçdular. Üç günläp bereketli saçaklar giňden ýazylyp, baýramçylyk tagamlary, dürli naz-nygmatlar taýýarlandy. Agzybirligiň hem şükranalygyň baýramynda, däp-dessurlarymyza laýyklykda, 7 gurbanlyk tagamyndan datmak sogap hasaplanýar.
Gurbanlyk sadakalaryňyz kabul bolsun, mähriban watandaşlar, ýeneki ýyllara saglykda ýetirsin!
«TürkmenGazet».
