Mälim bolşy ýaly, 8-nji iýulda Ministrler Kabinetiniň giňişleýin mejlisinde hormatly Prezidentimiz Buýruga gol çekip, 2022-nji ýylda ýurdumyzyň ýokary we orta hünär okuw mekdeplerine okuwa kabul etmegiň degişli meýilnamalaryny tassyklamak bilen, ýaşlaryň uly gyzyklanma bilen garaşan möwsümine badalga berdi.
«Türkmenistan» gazetiniň habar berşi ýaly, şu ýyl ýurdumyzyň ýokary okuw mekdeplerine 15 müň 326 talyby okuwa kabul etmek göz öňünde tutulýar. Bu bolsa geçen ýyldakydan 320 adam köpdür. Şonuň ýaly-da, şu okuw ýylynda ýurdumyzyň ministrlikleriniň, pudaklaýyn edaralarynyň we guramalaryň sargytlary esasynda orta hünär okuw mekdeplerine 10 müň 490 talyp kabul ediler. Munuň özi geçen ýyldakydan 380 adam artyk kabul edilýändigini görkezýär.
Düýn — 11-nji iýulda ýurdumyzyň ýokary we orta hünär okuw mekdepleri dalaşgärleriň resminamalaryny kabul edip başladylar.
«TürkmenGazet».
