Türkmenistanyň Prezidenti Serdar Berdimuhamedow ýetip gelen mukaddes Gurban baýramy mynasybetli türkmen halkyny gutlady.
Gutlagda: «Gurban baýramy asyrlaryň dowamynda kämilleşdirilip, nesilden-nesle geçirilip gelnen medeni-ruhy mirasymyzy, ahlak ýörelgelerimizi, däp-dessurlarymyzy, urp-adatlarymyzy özünde jemlemek bilen, Watanymyzyň gaýratly Ogly Gahryman Arkadagymyzyň beýik başlangyçlary arkaly täze many-mazmun bilen has-da baýlaşdyrylan hem-de ýurdumyzyň jemgyýetçilik durmuşynda aýratyn orun tutýan ajaýyp baýramdyr. Ynsan kalbynyň tämizligini dabaralandyrýan bu baýram täze taryhy döwürde jemgyýetimizi döredijilikli maksatlara, beýik işlere ruhlandyrýar, agzybirligimizi we jebisligimizi has-da pugtalandyrýar» diýlip nygtalýar.
«TürkmenGazet».
