Mukaddes Gurban baýramy adamzadyň tämiz ruhy-ahlak gözelliklerini dabaralandyrýan, ynsanperwerlik ýörelgelerini pugtalandyrýan gadymy baýramlaryň biri hökmünde milli senenamamyzda orun aldy.
Bu baýram haýyr-sahawatyň, birek-birege ýagşylyk etmegiň, ýakynlaşmagyň, ýagşy niýetliligiň özboluşly nyşanyna öwrülip, döwürleriň we nesilleriň dowamatlylygyny, şöhratly ata-babalarymyzyň wesýetlerine ygrarlylygy alamatlandyrýar. Gurban baýramy tutuş jemgyýetde agzybirligi saklamakda we ündemekde örän ähmiýetlidir. Baýram günlerinde dürli milli tagamlarymyzyň taýýarlanylmagy, bir saçagyň başyna jemlenilmegi ata-babalarymyzyň myhmansöýerlik ýörelgelerini, agzybirlik däplerini rowaçlandyrýar.
Goý, Gurban baýramy günlerinde amal ediljek tagat-ybadatlar, beriljek sadakalar, okaljak aýat-töwirler, Garaşsyz, Bitarap Watanymyzyň abadançylygynyň, külli adamzadyň bagtyýar we parahat durmuşynyň hatyrasyna ediljek doga-dilegler beýik hem-de keremli Allatagalanyň dergähinde kabul bolsun!
«TürkmenGazet».
