Titremän surata düşürmek üçin direg ulanyň
Smartfon arkaly professionallar ýaly surata düşürmek isleýänler üçin iň ajaýyp usullaryň biri direg ulanmakdyr. Bu usul eliňiziň titremegine we pursady sypdyrmagyňyza sebäp bolýan ýagdaýlary ýok edýär. Şeýlelikde, smartfonyňyz arkaly gowy surata düşürmekden gorkmaň!
Panoramiki surata alyş tertibini ulanyň
Panoramik surata düşüriş aýratynlygy, şol bir wagtyň özünde gyzykly we hünärli suratçylar ýaly surata düşürmäge mümkinçilik berýär. Telefonyňyzyň bu aýratynlygyny ulanyp, bir obýekti ýa-da adamy şol bir çarçuwada göçürilen ýaly edip bilersiňiz ýa-da hereket edýän awtoulagyň penjiresinden ýol görnüşini ýazyp bilersiňiz. Bu giň burçly suratlar, görkezmek isleýän zadyňyzy ýygnap, surat görnüşine gelmäge kömek edýär.
HDR tertibini ulanyň
HDR (High Dynamic Range) şekiliň iň ýagty we garaňky böleklerini has garaňky ýa-da ýagty görmäge mümkinçilik berýär. Bu has aýdyň kontrasty aňladýar. HDR suratlarda reňkleriň ýarylmagynyň öňüni alýar. Smartfon bilen gowy surata düşmek üçin bu aýratynlygy bilmek örän peýdalydyr. Çünki HDR suratlarynda iň ýokary, orta we pes aralyklarda ýüze çykýan ýagtylygyň tapawudyny ortaça görkezýär. Ýagtylygyň intensiwligini peseldýän bu aýratynlygy barlaň we netijäni görüň!
Suratlary dürli görnüşde almak üçin telefoto linzalary ulanyň
Telefoto linzalary häzirki döwürde ösüşiň täsiri hökmünde ýüze çykdy. Telefonyňyzyň kamerasyna balyk ýaly dürli linzalary gurnanyňyzda, monoton suratlaryňyzdan aňsatlyk bilen dynarsyňyz. Örän arzan bahadan tapyp boljak bu linzalar, iň owadan suratlaryňyz üçin iň uly kömekçi bolar!
Meýlis SADYKOW,
Türkmenistanyň Daşary işler ministrliginiň Halkara gatnaşyklary institutynyň Halkara žurnalistikasy fakultetiniň talyby.
