2022-nji ýylyň 1-nji iýulynda Türkmenistanyň Daşary işler ministrliginiň Halkara gatnaşyklary institutynda özbek kitaplarynyň sergisi geçirildi.
Sergide Özbegistan Respublikasynyň Prezidenti Şawkat Mirziýoýewiň kitaplary, Magtymguly Pyragynyň özbek diline terjime edilen goşgular ýygyndysy, şeýle hem özbek taryhy we häzirki döwrüni suratlandyrýan birnäçe eserler görkezildi.
Bilşimiz ýaly, Türkmenistan bilen Özbegistanyň özara dost-doganlykly gatnaşyklarynda gadymdan gelýän medeni-ynsanperwer ulgamdaky hyzmatdaşlyklara aýratyn orun berilýär. Iki döwletiň çäginde doganlyk halklaryň yzygiderli medeniýet hepdelikleri geçirilýär. Bu bolsa akabasyny bir gözbaşdan alýan türkmen-özbek halklarynyň medeniýetiniň, sungatynyň dowamat-dowamdygyndan nyşandyr.
Gurbanmyrat AŞYROW,
Türkmenistanyň Daşary işler ministrliginiň Halkara gatnaşyklary institutynyň Halkara žurnalistikasy fakultetiniň talyby.
