Adobe Photoshop mugt bolar

1990-njy ýylda ilkinji gezek neşir edilen we şu güne çenli ösen surat redaktirleme programmasy Adobe Photoshop ulanyjylaryny täzelik bilen begendirer. Bu barada degişli internet çeşmesinde habar berildi.
Häzirki wagtda bu kompaniýa Adobe programmany has köp ulanyjynyň bu programmadan işjeň peýdalanyp bilmegi üçin düýbünden mugt web wersiýasynyň üstünde işleýär. Kompaniýa synaglarynyň bir bölegi hökmünde ulanyjylar üçin internetde mugt «Adobe» hasaby bilen Photoshoba girmek mümkinçiligini hödürledi.

Käbir funksiýalar mugt bolar
Başga bir tarapdan, mugt boljak web Photoshop, göz öňüne getirişiňiz ýaly ähli aýratynlyklary öz içine almaz. Kompaniýa diňe esasy Photoshop funksiýalary hasaplanýan gurallary mugt hödürlär.
Adobe Photoshop web wersiýasyny ilkinji gezek geçen ýylyň oktýabrynda çykarypdy, ýöne şol wagt ähli aýratynlyklary tölegli bolupdy.

«TürkmenGazet».