Tabak gubkasy näme üçin ulanylýar? Bu soraga 7 ýaşdan 70 ýaşa çenli her bir adam birmeňzeş jogap berse gerek: gap-gaç ýuwmak ýa-da ýagly plitalary süpürmek. Mundan başga-da, gök önümlere hem kömeginiň degýändigini bilýäňizmi? Tabak gubkasyny holodilnikde goýanyňyzda, onuň şeýle bir peýdasy bar welin, öwrenen badyňyza derrew ulanarsyňyz!
Miwe we gök önümleriň köpüsi saklanýar. Şonuň üçin hem täzeligini, tagamyny gün-günden ýitirýär we ysy üýtgeýär. Indi bolsa bu ýagdaýlar barada asla pikir hem etmersiňiz. Çünki miweleriň we gök önümleriň has owadan we täze görünmegini üpjün etmek üçin gubkalar ajaýyp bir usuldyr.
Holodilnikde gubkanyň üstüne miwedir gök önümleri goýsaňyz, olaryň ömrüni uzaldyp bilersiňiz. Ýagny gök önümleriň ýerleşýän ýerine arassa gubkany goýsaňyz, gubka suwy özüne siňdirer we gök önümleriň ömrüni uzaldar. Gubkany wagtal-wagtal üýtgedip, suwuny süpürip, dezinfeksiýa edeniňizden soň gaýtadan ulanyp boljakdygyny ýadyňyzdan çykarmaň!
Gubkany diňe bir gap-gaç ýuwmak üçin ulanmaň!
«TürkmenGazet».
