Öňler 4-nji aprel diýlip bilinýän bütindünýä internet güni, “World Wide Web” tassyklanandan soň ol 17-nji maý güni bilen çalşyryldy. 1991-nji ýylyň 17-nji maýyndan bäri “World Wide Web” (www) halkara internet tory öz «doglan gününi» her ýylyň 17-nji maýynda belläp gelýär. Häzirki wagtda “World Wide Web” tutuş dünýäde bar bolan web serwerlerini birleşdirýän ulgam hasaplanýar.
Bu adalga durmuşymyza girensoň “web” sözi programmistleriň gündelik durmuşynda orun aldy. Halkara derejede adamlar ylmy web sahypalarynyň, web serwerleriniň döredilişi bilen gyzyklanmaga başladylar. Internet biziň durmuşymyza şeýle bir çaltlyk bilen ornaşdy welin, häzir şonsuz dünýäni göz öňüne-de getirmek asla mümkin däl bolup galdy. Islendik maglumatlary tapyp, goýup, yzarlap, döredip bolýan bu ulgamdan ägirt uly girdeji çeşmesini-de gazanmaga mümkinçilikleriň bar bolmagy her kimi özüne çekdi.
Durmuşymyzyň manysyna öwrülen hormatly Internet, doglan günüň gutly bolsun!
Dünýä BALLYÝEWA,
Türkmen döwlet maliýe institutynyň talyby.
