Birleşen Arap Emirlikleriniň «Meraas» kompaniýasy dünýädäki iň beýik synlaýyş meýdança bolan «Ain Dubai» meýdançasyny Dubaýda geçirilen «EKSPO-2020» Bütindünýä sergisiniň çäklerinde ulanmak üçin gurdy. «Ain Dubai» synlaýyş çarhynyň beýikligi takmynan 250 metre deňdir. Ol bu ugurdaky öňdebaryjy synlaýyş çarhlary bolan Amerikanyň Birleşen Ştatlarynyň Las-Wegas şäherindäki beýikligi 167 metr bolan «Hihg Roller» hem-de Beýik Britaniýanyň London şäherindäki beýikligi 135 metr bolan «London Eye» desgalaryndan öňe saýlanýar.
«Ain Dubai»-yň gurluşygy üçin 9000 tonna polat ulanylypdyr. Ol Eýfel diňinde ulanylan polatdan 25 göterim köpdür. Bu desga «Bluewaters Island» emeli adasynda ýerleşýär.
Açylgül SUHRABOWA,
S.A.Nyýazow adyndaky TOHU-nyň Türkmenabat agrosenagat orta hünär okuw mekdebiniň talyby.
