Bu ýyl üçin iň oňat iş pikirlerini gözleýärsiňizmi? Sanly ykdysadyýetiň ösmegi bilen köp adama işe başlamak we özi ýolbaşçy bolmak isleýänlere kän mümkinçilik döredildi.
Alymlaryň gözleg netijelerine görä, dünýädäki adamlaryň 63% -inden gowragynyň ilkinji gezek bolsa-da, täze işe başlamaga taýýardyklary mälim edildi. Munuň üçin dogry iş pikiri — idea gerek. Mysal üçin, öňüňizde bir maksat goýup bildiňizmi, oňa ýetmek üçin, netijeli işleseňiz ýeterlik. Galan zat öz-özi bolup gidiberýär. Hatda aýda ortaça zähmet hakdanam köpräk pul gazanyp bilersiňiz .
Belki siz bu barada bilmeýän bolmagyňyz mümkin. Ýöne özüňizde bar bolan azajyk hobbini hem ulanyp ullakan biznesleri döredip bolýar. Meselem, öz islegleriňizi onlaýn marketing bilen iň oňat kiçi telekeçilik pikirlerine öwrüp bilersiňiz. Mysal üçin, itleriň gezelenç meýdançasyny döredip bilersiňiz. Ilkibada bu pikir bolgusyz ýaly görünse-de, aslynda bu iň amatly idea bolup biler.
Hem ilkibaşda çykdajysy az. Hem düşewüntli. Ýekelikde iş başlajak bolsaňyz bu örän gowy.
Öý haýwanlarynyň oturýan ýerlerini, eýeleriniň amatly dynç alşyny üpjün edäýjek meýdançadan soň, itleriň gezelenç etmek mümkinçiliklerini köpeldip bilersiňiz. Munuň üçin gysga möhletli karz alyp bilersiňiz, beýleki it gezdirýänleri kömekçi hökmünde hakyna tutup bilersiňiz, programma döredip, gezelençleri onlaýn sargyt alybam bilersiňiz.
Bular diňe öý işewürlik ideýalary, mundan başga-da 2022-nji ýylda başlamaly iň oňat biznes pikirleriň sanawyna şulary hem goşup bilersiňiz:
Öz bloguňyzy dörediň. Höwesleri ýa-da edýän iş tejribeleri hakda ýazyp, wideo şekil döredip pul gazanýan müňlerçe blogçy bar. Pikirleriňizi ulanyp, gowy agzalary toplamaga synanyşyň we blog karýeraňyz bilen has köp pul gazanmaga başlaň. Meselem, «Youtube», «Tiktok», «Likee…»
Aslynda, statistika ýylda 50 000 dollardan gowrak girdeji gazanan blogçylaryň 73% -iniň belli bir tematika saýlap alandygyny aýdýarlar.
Bilimleriňizi ýa-da tejribäňizi paýlaşmak indi onlaýn kurs platformalary arkaly aňsatlaşdy. Bir ylym boýunça hünärmen bolsaňyz ýa-da bir zada höwesli bolsaňyz, ony ep-esli girdejä öwrüp bilersiňiz.
Talyplara onlaýn sapaklaryny beriň, onlaýn tälimçilik işiňizi gurmaga kömek etjek hojalyk jemgyýeti bilen işleşiň. Onlaýn sapaklaryny gözleýän adamlara goşulyp biljek «Facebook» sahypasyny ýa-da «Tiktok» sahypasyny döredip bilersiňiz.
Gülnaza TÄJIÝEWA,
Türkmen döwlet maliýe institutynyň talyby.
