Bu barada 3-nji maýda Türkmenistanyň Prezidentiniň sanly ulgam arkaly geçiren iş maslahatynda teklip edildi.
Welaýat häkimleri ilatyň haýyşyny nazara alyp, sebitlerde metjitleri hem-de olaryň ýanynda sadaka bermek üçin niýetlenen jaýlary gurmak baradaky teklipler bilen döwlet Baştutanymyza ýüzlendi.
Şeýlelikde, Ahal welaýatynyň Änew şäherinde, Balkan welaýatynyň Hazar şäherinde, Daşoguz welaýatynyň Ruhubelent etrabynda, Lebap welaýatynyň Döwletli etrabynda, Mary welaýatynyň Oguz han etrabynyň Şatlyk şäherinde täze metjitleri we sadaka jaýlaryny gurmak teklip edildi.
Hormatly Prezidentimiz Serdar Berdimuhamedow munuň sogap işleriň biridigini nygtamak bilen, bu teklipleri makullady hem-de halkyň islegine görä bu babatda degişli işleri geçirmegi tabşyrdy.
«TürkmenGazet».
