Ilon Mask Twitteri satyn alanyndan soň, esaslandyryjy Jek Dorseý Maska ynanýandygyny aýtdy, diýip, www.ensonhaber.com ýazýar.
Geçen ýylyň noýabr aýynda Twitteriň başlyklyk wezipesinden çekilen esaslandyryjy Jek Dorseý, Ilon Maskyň Twitteri 44 million dollara satyn almagyndan soň beýanat berdi. Ýagny Twitteriň 2,36 göterim paýyna eýe bolan Dorseý «Meniň pikirime görä, bu platforma üçin iň ynamdar ýeke-täk çözgüt Ilon Maskdy» diýdi.
Maý aýynda administrasiýany terk eder
Jek Dorseý henizem Twitteriň direktorlar geňeşinde orun alýar. Ýöne ol maý aýynyň ahyrynda geçirilmegi meýilleşdirilýän paýdarlar ýygnagyndan soňra işinden aýrylar.
Twitteri esaslandyryjy Dorseý ozal baş direktor bolup işleýärdi. Emma 2008-nji ýylda baş direktorlyk işinden aýryldy we ýerine başga bir esaslandyryjy geldi. Aradan 7 ýyl geçenden soň ýene-de kompaniýa ýolbaşçylyk etmek üçin gaýdyp geldi.
«TürkmenGazet».
