Türkmenistanyň Içeri işler ministrliginiň Mälikguly Berdimuhamedow adyndaky 1001-nji harby bölüminiň medeniýet öýünde hormatly Belent Serkerdebaşymyzyň mähriban atasy, içeri işler edaralarynyň hormatly weterany Mälikguly Berdimuhamedowyň nusgalyk ömür ýoluna bagyşlanan «Atalaryň göreldesi — nesilleriň döwletlilik ýörelgesi» atly maslahat geçirildi. Bu barada «Türkmenistan» gazeti habar berýär.
Çärä gatnaşyjylar Mälikguly Berdimuhamedowyň bu ýerde ýerleşýän ýadygärligine gül desselerini goýdular. Mälikguly aganyň geçen ömür ýoluny wasp edýän aýdym-sazlara ýugrulan dabaraly maslahata harby we hukuk goraýjy edaralaryň ýolbaşçylary, işgärleridir harby gullukçylary, görnükli şahyrlar, jemgyýetçilik guramalarynyň wekilleri hem-de esgerler gatnaşdylar. Dabaranyň başynda oňa gatnaşyjylar «Döwlet guşy» romanyndan Watanyň wepaly ogly Mälikguly Berdimuhamedowa bagyşlanan edebi-sazly kompozisiýa tomaşa etdiler. Gahryman Arkadagymyzyň öz mähriban kyblasynyň ýagty ýadygärligine bagyşlap döreden «Atamyň» atly goşgusyna düzülip, bu ýerde ilkinji gezek ýerine ýetirilen aýdym peder sarpasynyň belent senasy bolup ýaňlandy.
Harby bölümde içeri işler edaralarynyň hormatly weterany Mälikguly Berdimuhamedowyň ruhuna bagyşlanyp sadaka berildi.
«TürkmenGazet».
