Meşhur iňlis futbolçysy Deýwid Bekhamyň we aýdymçy, model Wiktoriýa Bekhamyň uly ogly, model, fotograf we aşpez Bruklin Bekham kakasy belli amerikan milliarderi bolan Nikola Peltz bilen durmuş gurdy.
Meşhurlar ýygnandy
Meşhur jübütleriň toýy Peltziň milliarder kakasy Nelson Peltziň Palm Springsdäki köşgünde geçirildi. Bruklin Bekham bilen Nikola Peltziň toýuna meşhurlaryň birnäçesi bu şatlykly günüň şaýady bolmak üçin gatnaşdy. Toý suratlaryny çap etmek hukugy üçin bolsa «Vogue» žurnaly bilen şertnama baglanyşylypdyr.
«Vogue» žurnaly ýylyň toýundan birnäçe pursatlary öz internet sahypasynda çap etdi. Nikola Peltziň geýen toý lybasy üns merkezinde boldy. Peltz gözelligi bilen görenleri özüne haýran galdyrypdy.
«TürkmenGazet».
