Ýakynda Türkmenistanyň Medeniýet ministrliginiň üç aýdan bir gezek neşir edilýän «Medeniýet we syýahat» žurnalynyň ilkinji sany okyjylara gowuşdy.
Türkmen, iňlis, rus dillerinde çap edilýän täze neşir Türkmenistanyň Prezidentiniň 2021-nji ýylyň 26-njy noýabrynda gol çeken degişli Kararynyň esasynda, ýurdumyzyň medeniýet we syýahatçylyk ulgamynda ýetilen sepgitleri giňden mahabatlandyrmak, bu ugurda bolup geçýän täzeliklerdir habarlary köpçülige ýokary derejede ýetirmek hem-de bu babatda maglumatlary bermegiň usulyny has-da kämilleşdirmek maksady bilen döredildi. Žurnalda taryhyň dürli döwürlerinden geçip, halkyň durmuş ýoluny özüne siňdiren milli medeniýetimiz giňden şöhlelendirilýär.
«TürkmenGazet».
