Iki sany syýahatçy haýallyk bilen obaň gyrasydan ýöräp barýardylar. Olaryň ugry şähere tarapdy, sebäbi iş gözleýärdiler. Syýahatçylar ýadadylar we ajykdylar.
Birdenkä, olar agajyň öňünde äpet aýyny gördüler. Birisi gorkup gaçdy-da, agaja dyrmaşdy we gizlendi.
Beýleki adam ýere ýykyldy we ölen ýaly boldy. Aýy oňa tarap geldi. Ol egildi-de, ony ysgady we onuň gulagyna bir zatlar pyşyrdady. Soň bolsa uzaklaşdy. Beýleki adam agaçdan aşak inip, dostunyň ýagdaýyny görmäge geldi.
— Aýy maňa birnäçe maslahat berdi — diýip, onuň ýoldaşy aýtdy. — Ol maňa: “Indiki gezek syýahata çykanyňyzda, howpuň abanan wagty sizi terk etmeýän biri bilen syýahat ediň” diýdi.
Ogulsuraý ÖWEZOWA,
S.A.Nyýazow adyndaky Türkmen oba hojalyk uniwersitetiniň mugallymy.
