Orta bahadan satuwa çykaryljak Samsung Galaxy M53 5G -niň çykaryljak senesi mälim edildi. Enjam ulanyjylar üçin haçan elýeterli bolar?
Geçen aý «Galaxy S22» seriýasy hödürlenenden soň, «Samsung» ünsi orta segment modellerine gönükdirdi. Bu nukdaýnazardan birneme öň ulanyjylaryň öňünde Galaxy A33, Galaxy A53 we Galaxy A73 peýda boldy. Netijede, talaplar we syzdyryşlar bilen uzak wagtlap gün tertibinde durýan «Galaxy M53 5G» -niň çykaryljak senesi barada birnäçe maglumatlar aýdyldy.
Ýadyňyzda bolsa, maglumat syzdyrmalary bilen tanalýan «ogogesh Brar» ozal «Galaxy M53 5G» -iň tehniki aýratynlyklary barada maglumat paýlaşypdy. «Samsung Galaxy M53 5G» 27-nji martda Wýetnamda ulanyjylar üçin elýeterli bolar. Enjamyň dünýä bazarlaryna haçan satuwa çykjakdygy bolsa geljekki hepdelerde kesgitlener.
Smartfonda «Full HD +» çözgüdi we 120 Hz täzeleniş tizligi bilen 6,7 dýuýmlyk «Super AMOLED» paneli bar. Şeýle-de, perforasiýa edilen ekran dizaýny bolar. 6 nm ýasama prosesi bilen öndürilen çipset, iki sany 2,4 GGs ARM Cortex-A78 we alty 2.0 GHz ARM Cortex-A55 ýadrosyndan başga-da Mali-G68 MC4 grafiki birligi bar.
«Galaxy M53 5G» iki dürli görnüşde elýeterli bolar. Bu pursatda 8 GB RAM + 128 GB we 8 GB RAM + 256 GB opsiýalary öňe çykýar. 25W zarýad beriş tizligini goldaýan 5000mAh batareýa bilen işleýär.
Öň tarapynda nokat hökmünde ýerleşdirilen 32 Megapikselli kamera bar bolsa, 108 Megapiksel esasy, 8 Megapiksel ultra giň burç, 2 Megapiksel makro we 2 Megapiksel çuňluk datçiginden ybarat dört kameraly gurnama bolar.
Esasy bellemeli zatlaryň biri-de, «Android 12» esasly «One UI 4.1» interfeýsi bilen gelýän «Galaxy M53 5G» -iň gutusyndan zarýad beriji enjam bolmaz.
Kadyrbek ALIMOW,
S.A.Nyýazow adyndaky TOHU-nyň Türkmenabat agrosenagat orta hünär okuw mekdebiniň talyby.
