Bu gezekki täzelikler, esasan, iOS ulanyjylary üçindir. Şeýle-de Telegram topary programmanyň täze wersiýasyny hödürledi.
Ýüklenmeleriň sany arty
Indi ulanyjylar 2 Gb çenli islendik faýly iberip, islendik enjam arkaly alyp bilerler. Faýllar ýüklenilende bolsa gözleg setirinde täze nyşan peýda bolar.
Täze menýu
«IOS» programmasynyň dizaýnyň «Android» programmasynyň yzyndan ýetmegi üçin goşundylar menýusy dolulygyna täzelendi. Kamera funksiýasy galereýa birikdirildi we täze nawigasiýa menýusy suratlara, faýllara, ýerleşiş maglumatyny paýlaşmaga we beýleki faýllara tiz wagtda girmäge mümkinçilik berýär. Täzelenen faýllar sütüninde soňky iberilen faýllar görkeziler we olary atlary boýunça gözlemeklige-de mümkinçilik berer.
Android üçin täze interfeýs
Indi gijeki tertipde söhbet (çat) taryhyna göz aýlanyňyzda, fon, stikerler we media ýarym dury interfeýs elementleri arkaly ýagtylyk çykarýar. Bu täzeleniş, wizual tehnologiýalary beýleki platformalardan Android programmasyna alyp getirýär.
iOS ulanyjylary 2021-nji ýylyň iýun aýyndan bäri ýarym dury interfeýs elementlerini ulanyp gelýärler.
Android we MacOS programmalarynda giriş usuly täzelendi we göwnejaý täze animasiýalar bilen üsti ýetirildi. Android programmasy giriş (login) koduňyzdaky sanlaryň ýerine çalşyk hem goşulandyr.
Telefon belgisiniň baglanyşyklary
Her kim sazlamalar sahypasyndan özboluşly @ ulanyjy adyny döredip biler. Bu, başgalara telefon belgiňizi bermezden gözlemek ýa-da t.me / ulanyjy ady görnüşinde habarlaşmaga mümkinçilik berýär. Bu täzelenme, ulanyjy bilen derrew söhbetdeşligi açýan başga bir platforma üçin telefon belgiňize göni baglanyşyk paýlaşmaga mümkinçilik döredýär. Telefon belgiňizi halkara formatynda ýazmagyňyz zerurdyr.
Beýleki programmalar bilen göni ýaýlym
Indi toparlar we teleýaýlymlar çäksiz tomaşaçylar bilen göni ýaýlymda çykyş edip bilerler. Professional bloggerlar we žurnalistler, abunaçylary bilen aragatnaşyk gurmak üçin Telegram arkaly göni ýaýlymy köpräk ulanýarlar. Bu täzeleniş arkaly birnäçe ekranlary çalşyp durmak, teswirleriň üstüne peýdaly maglumat goýmak, ekrandan peýdalanmak üçin OBS Studio we Xsplit Broadcaster ýaly gysyjy habar beriş serişdelerinde peýdalanyp, göni ýaýlymda görkezip bilersiňiz.
«TürkmenGazet».
