Günüň goşgusy

Nowruz gary ýagýar, erär, ýatmanam,
Soň­ky dem al­şy bu ýo­lag­çy gy­şyň…
Bag­la­ry gar bas­dy, me­ni bas­ýar gam,
Ga­ra­la­ma dep­der, gow­ga­ly ba­şym…
Tä­ze se­ne ýaz­ýan onuň kün­jü­ne,
Do­wa­my ýok, so­ňy di­ňe ejir­dir.
Uzyn gi­je pi­kir idäp, düm­tü­ne,
Tiň­kä­mi dep­de­re di­kip ge­çir­dim…
Ýa­gan gar-a erär er­te ikin­din,
Gyş gi­der-de, ge­ler ýaz­ky ma­ýyl­lyk.
Ýaz-a me­niň üçin er­te­ki diý­mek,
Ýaz­ma­gam meý­le­tin pi­da ka­ýyl­lyk…
* * *
Gö­zü­mi bag­la­ýan per­de ýyr­tyl­dy,
Da­ga­dy dar­ly­gyň ga­lyp-ül­ňü­si.
Jo­kon­da­nyň ju­da tä­sin ýyl­gyr­şy,
Žes­ter-Si­taň ju­da gö­zel gül­kü­si
Gö­rün­di, eş­dil­di — gu­la­gym, gö­züm
Heý­jan­dan he­ser­läp,
Bak­dy eser­deň.
Aňym­da­ky ýe­sir du­şa­gyn çö­züp,
Beý­nim­dä­ki has­sa dyn­dy ke­sel­den.
Keb­zä­miň içi­ne düýr­le­nip sal­nyp,
Iň­ňe­bag­jyk bi­len çat­lan ga­nat­lam
Pe­riş­de pi­kir­den güýç alyp,
Gal­kyp,
Dö­wüp ar­kam­da­ky pyş­dyl ça­nak­lam,
San­jak ýa­ly gö­ge galk­dy pel­pel­läp.
Alyp onuň iň bir ýi­ti ýe­le­gin,
Sy­ýa deý sy­ryg­ýan ga­nym­dan öl­läp,
Maň­la­ýy­na
Per­de tu­tan pe­le­giň
Ýaz­dym ül­ňü­le­riň, per­de­le­riň-de
Bir gün ýyr­tyl­ýa­nyn, da­ga­ýan­ly­gyn.
…Gör­düm Jo­kon­da­nyň, Žes­te­riň bi­le
Meň ha­ly­ma gyý­lyp ag­la­ýan­ly­gyn…
* * *
Çy­zyk çyz­sam öz-özü­me,
Çyk­ma­sam
On­dan da­şa,
Baş­ga tüýs­li ýa­şa­sam.
Syr­ly per­däň aňyr­sy­na jyk­la­sam,
Ýaz­sam, ýat­sam, tur­sam, ýaz­sam—bo­şa­sam.
Pü­re­pür duý­gu­lam bil­sem gow­za­dyp,
Ow­na­ma­sa ýö­ne pi­kir — pit­ne­lem.
Og­lan­kam ür­küz­len sa­kar ow­la­gym —
Dyz­maç ru­hum gel­se ýe­ne — ýit­me­se.
It­de­nem gork­ma­sam çyg­ryň çä­gin­de,
Gor­ky­ny jo­rap deý taş­la­sam çöw­rüp.
Min­net çek­män ha­la­ma­ýan kä­rim­den,
Tak­dy­ryň «T» har­pyn sto­la öw­rüp,
Ýaz­gy­dy tüýt­me­läp,
Göw­nü­me gö­rä,
Üýt­ge­dip,
Üýt­ge­şik yk­bal dö­ret­sem.
Kys­ma­tyň kül­pet­li öw­rüm­le­ri­ni
Gö­nü­läp,
Göw­nü­mi ýyk­man dö­ret­sem.
Çyg­ry­ma del tä­sir ara­laş­ma­sa,
Şyg­ry­ma ýat söz­ler süs­ňäp gir­me­se
Hem-de pit­ne ru­hum adam­laş­ma­sa,
Ýaz­sam, ýat­sam, tur­sam, ýaz­sam — ir­me­sem…
* * *
Kel­lä­me sa­çym­dan ýa­san­dym jy­ga,
Gül­ler­den örü­len ota­ga ýa­ly.
Se­ri­me giň ja­han, asyr­lar sy­gar,
Sen, go­wu­sy, şyg­rym oka­ma, ýa­rym!
Ky­ýa­ma­tyň be­ýa­ny­na ça­lym­daş —
Ter­ji­me­ha­ly bu ru­hy ha­ly­myň.
Kä­te ol özü­ne idäp ylym­daş,
Taş­lap ka­pas te­ni — gu­ry ga­by­gy,
Zy­ýa­ra­ta gid­ýär as­man-pe­le­ge.
Bir gy­sym ýyl­dyz hem Aý­dan bir bö­lek
Sow­gat di­ýip ma­ňa alyp ge­le­ni
Ýa­dym­da,
Ere­dip, çaý­ma­ga de­rek
Jy­ga­nyň ýü­zü­ne,
Dü­züp sa­pa­ga,
Seň boý­nuň­dan asa­ny­mam es­sim­de.
Şon­dan bä­ri men ru­hu­my ta­pa­mok,
«Hä» be­re­nok «ru­hum!» di­ýip ses­len­sem.
Ta­paý­sam,
Örü­len ota­ga ýa­ly,
Ru­hum­dan kel­lä­me jy­ga ýa­san­jak.
Dü­şün, ol sy­ga­nok bu te­ne, ýa­rym,
Pi­kir­lem ja­ha­na sy­ga­nok as­la…
* * *
Düýş­den uçan der­wüş guş­lar «küş» bil­mez,
Per­waz urup, sü­mül­ýär­ler pik­ri­me.
Olaň di­li me­niň üçin müş­gil dil,
Dü­şün­mäm­soň olaň çek­ýän zik­ri­ne,
Ak­lym ça­şyp baş­ly-ba­rat gow­run­dan,
Ga­lan­dar şyr­da­gym ge­ýip çüm­re men,
Dil­maç küý­säp per­ren­de­ler kow­mun­dan,
Gar­şym­da­ky ga­ra gar­ga üm­le­ýän…
Ol diň­le­di se­pil guş­laň se­si­ni,
Dym­dy,
Ap-ak bol­dy ga­ra per­le­ri.
Edil adam ýa­ly ga­şap ýeň­se­sin,
Al­jy­ra­dy,
Adam ýa­ly der­le­di.
Soň ba­şy­ny ýaý­kap me­jal­syz hal­da,
Go­şul­dy der­wüş­leň döw­re­si­ne ol.
Şeý­dip, ak guş bo­lup, aja­ly al­dap,
Go­ýup git­di ga­ra göw­re­si­ni ol…
Aga­ran sa­çy­my gal­dym pen­je­läp,
Dil­ma­jym ýok guş di­li­ni öw­re­den…
Ýa-ha ruh men göw­re­si ýok, seň­se­län,
Ýa-da ruh­suz bo­şap ga­lan göw­re men!
* * *
Heý, meniň deý ýa­dap gö­rüp­mi­di­ňiz?!
Haý­dap gör­dü­ňiz­mi
Me­niň ýa­ly, heý?!
Her gün­de bir ýo­la ölüp­mi­di­ňiz?
Di­ri­lip­di­ňiz­mi
Içip ajy meý
Deý ajy ko­fe­ni,
Tä­ze­den ja­na
Ge­lip gör­dü­ňiz­mi,
Göz­ler ýal­pyl­dap?!
Ýü­rek gal­pyl­dap,
Ýa­ry­lyp gör­dü­mi çy­da­man gus­sa?!
Ar­gyn­ly­gyň ag­ras da­ryn­dan sal­lan
Ta­na­ba ço­la­şyp, bo­gu­lyp tüs­sä,
As­gy­ryp jan­la­nyp,
Soň ölüp pal­lap,
Gä­mik deý gö­ge­rip,
Do­gu­lyp as­sa,
How­lu­gyp aja­la gö­rüp­mi­di­ňiz?
Ne­si­mä, Hal­la­ja, Meş­re­be meň­zäp,
Aý­dyň, siz şu gün, heý, ölüp­mi­di­ňiz?!
Nä­dip ýa­şa­ýa­ňyz öl­män, heý,
Geň zat!