OPPO baha öndürijilikli önüm hökmünde öndürýän seriýasyna K10 modelini goşmaga taýýarlanýar.
Bu kompaniýa geçen ýylyň dekabrynda iň soňky çykaran telefony bolan K9-ny hödürledi. Kompaniýa täze modeliň tanyşdyrylyş senesini şeýle-de, bu model barada ýakyn günlerde has köp maglumat berjekdigini mälim etdi. Huawei ABŞ tarapyndan gara sanawa girizilenden soň, OPPO hasam öňe çykyp başlady. Marka häzirki wagtda smartfon pudagyndaky boşlukdan peýdalanyp, ösmegini uly depgin bilen dowam etdirýär. Mundan başga-da, OPPO we OnePlus-yň hyzmatdaşlygy bu ösüşe örän uly täsir etdi.
Tehnologiýa ägirdi OPPO täze K10 modeliniň 23-nji martda hödürlenjekdigi barada habar berdi. Kompaniýa bu täze model barada gyzyklanýanlar üçin smartfonyň ähli aýratynlyklary barada bolmasa-da, birnäçe göze görnüp duran maglumatlary paýlaşdy. OPPO, K10-da has gowy el duýgusy üçin ýarym mat we ýarym ýalpyldawuk garyndyny hödürleýän dizaýny görkezjekdigini habar berdi.
Enjamda gara we gök iki reňk görnüşi bolar. Telefonyň arka tarapynda 50 Megapiksel esasy kameraly kamera ulgamy, smartfonyň aşagynda gürleýjisi, mikrofon we 3,5 mm nauşnik dakylýan USB-C porty bolar.
«TürkmenGazet».
