Bütindünýä ykdysady forumy geçiriler

Şweýsariýanyň Da­wos­ şäherinde 1971-nji ýyl­dan bä­ri ge­çi­ril­ýän Bü­tin­dün­ýä yk­dy­sa­dy fo­ru­myn­da (WEF) adam­zat jem­gy­ýe­ti­niň yk­ba­ly­na gö­nü­den-gö­ni tä­si­ri­ni ýe­tir­ýän wa­jyp me­sele­leri ara al­nyp mas­la­hat­la­şyl­ýar. Bü­tin­dün­ýä yk­dy­sa­dy fo­ru­my­nyň ýyl­lyk mas­la­ha­ty ko­ro­na­wi­rus pan­de­mi­ýa­sy se­bäp­li iki ýyl­ ara­kes­me­den soň, 2022-nji ýylyň 22 — 26-njy maý­ynda Da­wos­da ge­çi­ri­ler.

Bü­tin­dün­ýä yk­dy­sa­dy fo­ru­my­ Şweý­sa­ri­ýa­nyň hö­kü­me­te de­giş­li bol­ma­dyk guramasy­ bo­lup, dür­li ugur­lar bo­ýun­ça öň­de­ba­ry­jy te­le­ke­çi­le­riň, sy­ýa­sat­çy­la­ryň we hünär­men­le­riň gat­naş­ma­gyn­da her ýyl ge­çiril­ýär. Gu­ra­ma­çy­la­ryň ha­bar ber­me­gi­ne gö­rä, bu forumyň il­ki­baş­da 17-nji ýan­warda geçirilmegi me­ýil­leş­di­ri­lip­dir.

Ykdysa­dy fo­ru­myň bar­şyn­da pan­de­mi­ýa­dan sap­lan­mak, ho­wa­nyň üýt­ge­me­gi­ne gar­şy gö­reş­mek, has go­wy iş şert­le­ri­ni dö­ret­mek we dör­dün­ji se­na­gat re­wol­ýu­si­ýa­sy­nyň teh­no­lo­gi­ýa­la­ry­ny ulan­mak ýa­ly mese­le­ler ara alyp mas­la­hat­laş­mak me­ýil­leş­di­ril­ýär. Soň­ky iki ýyl­da bo­lup ge­çen äh­li wir­tu­al ýyg­nak­lar­dan soň sy­ýa­sy lider­ler, işe­wür­ler we ra­ýat jem­gy­ýe­ti­niň ýol­baş­çy­la­ry ýe­ne-de du­şu­şar­lar — di­ýip, Bü­tin­dün­ýä yk­dy­sa­dy fo­ru­my­nyň esas­lan­dy­ry­jy­sy we baş­ly­gy Klaus Şwab belledi.

Klaus Şwab adam­za­dyň öňün­de dur­ýan me­se­le­le­riň çalt çö­zül­me­gi­ne go­şant goş­jak ynam at­mos­fe­ra­sy­ny dö­ret­mä­ge ça­gyr­ýar. Dün­ýä­niň so­si­al-yk­dy­sa­dy ýag­da­ýy­nyň has-da go­wu­lan­ma­gy, iri yk­dy­sa­dy we sy­ýa­sy bi­le­le­şik­le­riň, aý­ry döw­let­le­riň, kor­po­ra­si­ýa­la­ryň, kom­pa­ni­ýa­la­ryň bäh­bit­le­ri­niň ga­bat gel­me­gi fo­ru­myň iň esa­sy mak­sa­dy bo­lup dur­ýar. Ştab-kwar­ti­ra­sy ýur­duň Ko­lo­ni şä­he­rin­de ýer­leş­ýän fo­ru­ma gat­naş­ýan döw­let­le­riň sa­ny ýyl­sa­ýyn art­ýar.

Meýlis SADYKOW,
Türkmenistanyň Daşary işler ministrliginiň Halkara gatnaşyklary institutynyň Halkara žurnalistikasy fakultetiniň II ýyl talyby.