Men biraz öñkimden güýçlendim, kaka!
Düşündim durmuşyñ añsat dälligin,
Sabrym bilen darkaş eden duýgylañ,
Kötelli ýollarda agsatýanlygyn.
Aram tapman gezenimde käteler,
Dar ýodadan ýöräp, giñ-giñ köçede,
Haly bolup düşelende ýalanlar,
Oturmagy endik etdim keçede.
Ýygy-ýygy gara basýar gijeler,
Rahatlygym bilen gidemde uka,
Ykbalyñ oýnundan ýadadym, ýöne,
Men biraz öñkimden güýçlendim kaka!.
Baýram BEJIDOW.
