Paýtagtymyzda we sebitlerde 11-nji fewralda geçiriljek Milli Geňeşiň Halk Maslahatynyň nobatdan daşary mejlisine uly taýýarlyk görülýär. Şunuň bilen baglylykda, Aşgabadyň ýolagçy awtobuslary «Halk Maslahaty: bagtyýar geljek, belent maksatlar», «Halk Maslahaty — halkyň bähbidine», «Agzybirlik. Abadançylyk. Berkararlyk», «Il bagtyýar — ýurt berkarar», «Aýdyň maksatlar bilen röwşen geljege!», «Döwletli maslahat — bagtyýar durmuş», «Ýaşasyn parahat durmuş!», «Öňe, öňe, diňe öňe! — biziň beýik şygarymyz!» ýaly şygarlar bilen bezeldi.
Jemgyýetçilik ulaglaryny şygar bilen bezemek işleri «Türkmenawtoulaglary» agentliginiň Aşgabatdaky ýolagçy awtoulag kärhanasy tarapyndan eýýäm birnäçe baýramçylyklarda, şol sanda Türkmenistanyň Garaşsyzlygynyň 30 ýyllygynda, Täze ýyl baýramçylygynda hem geçirilipdi.
Owadan ýazgylar ak awtobuslara özboluşly bezeg berýär.
«TürkmenGazet».
