Şu gün — 3-ji iýunda hormatly Prezidentimiziň ak pata bermegi we ýaşulularyň «Bismillasy» bilen ýurdumyzyň Ahal, Lebap we Mary welaýatlarynda galla oragyna başlandy.
Şu ýyl Ahal welaýaty boýunça 195 müň gektarda bugdaýyň bereketli hasyly ýetişdirilip, Watan harmanyna 400 müň tonna hasyl tabşyrmak göz öňünde tutulýar. Lebap welaýatynda 130 müň gektar bugdaýdan 310 müň tonna bugdaý hasylyny almak meýilleşdirilýär. Mary welaýatynda bolsa 170 müň gektarda bol hasyl ýetişdirilip, 345 müň tonna galla ýygnamak maksat edinilýär. Şunuň bilen baglanyşykly geçirilen geňeş-maslahatlarda döredilen ýörite toparlaryň öz işlerine jogapkärli we guramaçylykly çemeleşmelidikleri, howpsuzlyk çäreleri hakynda-da gürrüň edildi.
Balkan we Daşoguz welaýatlarynda bolsa galla oragyna 10-njy iýunda başlanar.
«TürkmenGazet».
