Şu gün — 25-nji maýda ýurdumyzyň ähli umumybilim berýän orta mekdeplerinde «Soňky jaň» dabaralary geçirildi.
Şu dabaraly günde mekdepleriň uçurymlary, bilim ulgamynyň işgärleri, okuwyny ýokary bahalar bilen tamamlaýan okuwçylar, ata-eneler, mugallymlar ak mekdeplerde ýygnanyşdylar. Baýramçylyk ruhuny tutuş süňňüne siňdiren dabaralar ilki bilen Döwlet senamyzyň ýaňlanmagy, soňlugy bilen bolsa hormatly Prezidentimiziň Türkmenistanyň orta mekdepleriniň uçurymlaryna, mugallymlaryna, we ähli bilim işgärlerine iberen baýramçylyk Gutlagy bilen açyldy.
Soňra uçurymlaryň öňünde bilim işgärleri, ata-eneler, il sylagly ýaşulular, jemgyýetçilik işjeňleri çykyş edip, mekdebi tamamlaýan ýaşlary tüýs ýürekden gutladylar, olara ýagşy pent-ündew etdiler, okuwda hem-de köpçülik işlerinde aýratyn tapawutlanan uçurumlara Hormat hatlary hem ter gül desseleri gowşuryldy. Ynha-da, nyzamly hatarlaryň öňünde 1-nji synp okuwçysy uçurymlar üçin «soňky jaňy» kakdy.
«TürkmenGazet».
