Oguzhan adyndaky «Türkmenfilm» birleşigi täze, gysgametražly filmde keşpleri ýerine ýetirmek isleýänleri synaga çagyrýar.
Magtymguly Pyragynyň ömri hem döredijiligi barada gürrüň berýän «Istärin» atly kinofilm hem-de Ahalteke bedewleriniň waspyny ýetirýän «Uly baýragyň gymmaty» atly çeper filmde dürli keşplerde surata düşmek üçin täze zehinler gözlenýär.
Synaga 16 ýaşdan uly bolan islendik kişi gatnaşyp biler. Hünär taýdan aktýorlyk bilimi bolsa has gowy, ýöne ol hökmany şert däldir. Oňa gatnaşmak üçin döredijilik synagyna ýazylmaly. Munuň üçin Oguzhan adyndaky «Türkmenfilm» birleşigine gelmeli ýa-da 49-37-13 telefona jaň etmeli.
Gözden geçiriliş 2022-nji ýylyň 10-njy martyna çenli dowam eder.
«TürkmenGazet».
