Slide
Slide
previous arrow
next arrow


Siziň üçin...Slider

Atçylyk bilen gyzyklanýan bolsaň…

Atçylyk bilen baglanyşykly adalgalar we maglumatlar

22-04-2022 / 5047

Ahalteke aty — türkmen halkynyň göz guwanjy bolup, asyrlar boýy arzylanyp gelnen  iň gadymy arassa ganly bedew at.

Atyň tebigy hereketleri — dogabitdi bolup, olara ýöriş ýa-da ädim, gorgun ýa-da loňkuldama, ýorga we öňürdik-ylgaw degişli.

Öwredilen hereketler — seýislemek, türgenleşdirmek arkaly atlara ýörite öwredilýär. Ýokarlygyna we uzynlygyna böküş, her dürli şirkde görkezilýän hem gezim oýunlary oňa degişlidir.

Atly türgen — sporta gatnaşýan atlary türgenleşdirýän, ýaryşlara taýýarlaýan adam.

At oglan — at münmäge we çapmaga ukyply ýetginjek.

Atyň atlanary — atyň çep tarapy.

Seýis — atlary çapuw ýaryşlaryna taýýarlaýan atçy hünärmen.

Aýlaw — at çapyşyklaryň we atçylyga degişli dürli ýaryşlaryň geçirilýän ýeri.

Gaýdyş pelle — at çapyşyklaryna hem atçylyk sporty boýunça ýaryşlara badalga berilýän ýer.

Çapuw hereketi — öňürdikleme hereketiniň bir görnüşi, atyň doly güýjünde ýokary tizlikli hereketi.

Toýhana — at çapyşygynyň ýeňijileriniň hasaba alynýan soňky ýörite sütün bilen bellenen pellesi. Toýhana sütüni tomaşaçylara gowy görner ýaly münberiň öňünde ýerleşýär.

Emin — at çapyşygynyň, atçylyk sport ýaryşlarynyň düzgüne laýyk geçirilmegine gözegçilik ediji.

Athana — ýörite at saklanýan ýer.

Iým ahyr — athanalaryň içindäki teblehanalarda iým salnyp, atyň iýmlenýän ýeri.

Attorba — halyça ýa-da kilimçe görnüşinde dokalýar. Onuň içine bir iýerlik iým salnyp, atyň agzyna geýdirilip, bagy ýeňsesinden daňylýar.

Nal — çapuw atlar üçin demirden ýasalyp, atyň toýnagyna şikes ýetmeginiň öňüni alýar. Bedew atyň aýagyny ynamly basmaga, dogry goýmaga ýardam edýär.

Rişme, teble — atyň kellesine salyp iýtmek, töwerekleýin aýlamak we daňmak üçin ýüp.

Debsilemek — atyň böwrüne aýagyň bilen kakyp, hereketini çaltlandyrmak.

Depgin — atyň dört aýagynyň gezekli-gezegine ýa-da jübüt-jübütden bir aýlaw hereketi.

Çowgan — atly top oýny.

Marafon at çapyşyklary — uzak aralyklara, 25 kilometrden 160 kilometre çenli aralyga geçirilýän at çapyşyklary.

Toplan: Gülaýym ALLABERDIÝEWA,
Türkmenistanyň Demokratik partiýasynyň Döwletli etrap komitetiniň statisti.


Fatal error: Uncaught Error: Call to undefined function ST4_single_hits2() in /var/www/vhosts/turkmengazet.com/httpdocs/wp-content/themes/tmgazet/framework/functions/post-functions.php:508 Stack trace: #0 /var/www/vhosts/turkmengazet.com/httpdocs/wp-content/themes/tmgazet/framework/functions/post-functions.php(692): tie_get_post_meta() #1 /var/www/vhosts/turkmengazet.com/httpdocs/wp-content/themes/tmgazet/framework/functions/post-actions.php(260): tie_the_post_meta() #2 /var/www/vhosts/turkmengazet.com/httpdocs/wp-includes/class-wp-hook.php(324): tie_post_extra_info_column() #3 /var/www/vhosts/turkmengazet.com/httpdocs/wp-includes/class-wp-hook.php(348): WP_Hook->apply_filters() #4 /var/www/vhosts/turkmengazet.com/httpdocs/wp-includes/plugin.php(517): WP_Hook->do_action() #5 /var/www/vhosts/turkmengazet.com/httpdocs/wp-content/themes/tmgazet/templates/single-post/content.php(81): do_action() #6 /var/www/vhosts/turkmengazet.com/httpdocs/wp-content/themes/tmgazet/framework/classes/class-tielabs-helper.php(119): include('/var/www/vhosts...') #7 /var/www/vhosts/turkmengazet.com/httpdocs/wp-content/themes/tmgazet/single.php(17): TIELABS_HELPER::get_template_part() #8 /var/www/vhosts/turkmengazet.com/httpdocs/wp-includes/template-loader.php(106): include('/var/www/vhosts...') #9 /var/www/vhosts/turkmengazet.com/httpdocs/wp-blog-header.php(19): require_once('/var/www/vhosts...') #10 /var/www/vhosts/turkmengazet.com/httpdocs/index.php(17): require('/var/www/vhosts...') #11 {main} thrown in /var/www/vhosts/turkmengazet.com/httpdocs/wp-content/themes/tmgazet/framework/functions/post-functions.php on line 508
WordPress › Error

There has been a critical error on this website.

Learn more about troubleshooting WordPress.