Aşgabatda geçirilen Merkezi Aziýa ýurtlarynyň we Russiýanyň zenanlarynyň dialogynyň Jarnamasy BMG-de ykrar edildi
09-07-2022 / 5057
Şu ýylyň 13-nji maýynda Aşgabatda geçirilen Merkezi Aziýa ýurtlarynyň we Russiýanyň zenanlarynyň dialogynyň Jarnamasy BMG-niň Baş Assambleýasynyň 76-njy sessiýasynyň resminamasy hökmünde kabul edildi. 8-nji iýulda geçirilen Hökümetiň giňişleýin mejlisinde bu baradaky hoş habar hormatly Prezidentimize ýetirildi.
Döwlet Baştutanymyz Serdar Berdimuhamedow paýtagtymyzda üstünlikli geçirilen giň möçberli forumyň Jarnamasynyň BMG-niň Baş Assambleýasynyň 76-njy sessiýasynyň resminamasy hökmünde kabul edilmeginiň Türkmenistanyň alyp barýan daşary syýasat işiniň we bu ugurda öňe sürýän başlangyçlarynyň Milletler Bileleşigi tarapyndan ykrar edilýändiginiň, ýurdumyzyň halkara giňişlikdäki abraýynyň belende göterilýändiginiň nobatdaky beýanydygyny belledi.
«TürkmenGazet».
