«Apple» hem-de «iPad» planşetleri üçin niýetlenen täze «Pencil» stilusyny mälim etdi.
Enjam kompaniýanyň 2018-nji ýylda hödürlän «Pencil 2» stilusyndan USB-C portunyň bolmagy bilen tapawutlanýar. Şeýlelikde, ol «iPhone» -dan we «iPad» -dan zarýad alyp bilýär. Bu aksesuary magnit arkaly planşetiň korpusyna berkidip bolýar. Stilus 10-njy nesil «iPad», 6-njy nesil «iPad mini», 4-nji nesil «iPad Air», «iPad Pro» we has täze planşetlerde işleýär. Täze önüm şu ýylyň noýabr aýynyň başynda satuwa çykarylar.
Bahasy babatda 129 dollar bolan «Pencil 2-den» arzandyr. USB-C porty bolan «Apple Pencil» 79 dollara satylar. Şonuň üçin onuň birnäçe öňdebaryjy funksiýalary ýok – basyşa duýgurlygy ýok, iki gezek basmak mümkinçiligi ýok, simsiz zarýad alyp bilmeýär.
Jemşit IŞANKULYÝEW,
TOHI-niň Weterinar lukmançylygy fakultetiniň Buhgalterçilik hasaba alnyşy we audit taýýarlyk ugrunyň 3-nji ýyl talyby.
