Garaşsyzdyr islän ýurduň,
Sözden kämil bina gurduň,
Ruhyýete şugla, nursuň,
Paýhas genji-kän, Pyragy!
Nesillere edep sözüň,
Ýetendir alysa gözüň,
Beýiksiň, belentsiň Özüň,
Saňa telwas jan, Pyragy!
Tagzym saňa nesillerden,
Aýdym bolan setirleňden,
Doýmak ýokdur eserleňden,
Şygryň ýoldaş-ýan, Pyragy!
Arkadag Serdarly ýaşlar,
Arkadagly, belent başlar,
Hormatyňa beýik işler,
Köňüllere han, Pyragy!
Köpetdagyň degresinde,
Dag ýüzüniň begresinde,
Başyň gögüň göwresinde
Saňa şöhrat-şan, Pyragy!
Ejegyz TAGANOWA,
Türkmengala etrabyndaky 2-nji çagalar bakja-bagynyň terbiýeçisi, Zenanlar guramasynyň işjeň agzasy.
