Hytaý Halk Respublikasynyň başlangyjy bilen ýola goýlan «Bir guşak-bir ýol» başlangyjynyň çäklerinde halkara hyzmatdaşlygy boýunça 3-nji sammit şu ýylyň oktaýbrynda Pekinde geçiriler. Bu barada Hytaýyň daşary syýasat edarasynyň wekili Wan Wenbin habar berýär.
«Bir guşak-bir ýol» başlangyjy 2013-nji ýylda HHR-iň Başlygy Si Szinpin tarapyndan badalga berildi. Ol gadymy Ýüpek ýoluny täzeden dikeltmekden ybarat bolup, onuň maksady Hytaýyň Merkezi Aziýanyň, Ýakyn Gündogaryň, Ýewropanyň, Afrikanyň we beýleki sebitleriň bazarlaryna çykarmak bolup durýar. Sammitiň gün tertibiniň esasy ugry özara kommunikasiýa bolar. Bu başlangyç halkara ykdysady hyzmatdaşlykda täze meýdança döretmekden ybarat.
Mälim bolşy ýaly, «Bir guşak-bir ýol» başlangyjynyň çäklerinde ilkinji sammit 2017-nji ýylda, ikinjisi bolsa, 2019-njy ýylda geçirildi.
«TürkmenGazet».
