TDH-da habar berlişi ýaly, hormatly Prezidentimiz Serdar Berdimuhamedow hem-de türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Koreýa Respublikasynyň Prezidenti Ýun Sok Ýola kakasy Ýun Gi Çžunyň aradan çykmagy zerarly gynanç hatyny iberdiler.
Döwlet Baştutanymyz hem-de Türkmenistanyň Halk Maslahatynyň Başlygy şu agyr pursatda Koreýa Respublikasynyň Prezidentine we onuň maşgala agzalaryna ýürekden duýgudaşlygyny bildirdiler hem-de medet beriji sözlerini beýan etdiler.
Maglumat hökmünde belläp geçsek, Ýun Gi Çžun 92 ýaşynda aradan çykdy. Ol Ýonse uniwersitetiniň professory bolup, ömrüni 1973-nji ýyldan 1997-nji ýyla çenli amaly statistika öwretmäge bagyşlady.
«TürkmenGazet».
