BAE-den 4 ýaşly çaga kitaby çap edilen iň ýaş ýazyjy diýlip yglan edildi. Bu barada Ginnesiň rekordlar kitaby habar berýär.
Habaryň beýan edilişine görä, 4 ýaşyndaky Said Raşed Al-Mheýriniň «Said pil we aýy» atly kitaby 218 günde neşir edilipdir. Ýaş awtor öz kitabynda: «Pil dynç alşa çykýar we şol ýerde ak aýyny görýär. Ol ak aýynyň özüni iýmeginden gorkup oňa bilelikde dynç alyş gurnamagy teklip edýär. Şeýlelikde, olar dostlaşýarlar we birek-birege kömek edýärler» – diýip, belleýär.
Çaganyň Said Raşed Al-Mheýrin dostluk we ýagşylyk barada kitap döretmegi meýilleşdirýär. 4 ýaşly ýazyjynyň rekordy 2023-nji ýylyň 9-njy martynda hasaba alynyp, häzirki wagta çenli kitabyň takmynan, 1000 nusgasy satylypdyr.
Altynaý RUSLANOWA,
Türkmenistanyň Döwlet energetika institutynyň 1-nji ýyl talyby.
