Gyş miweleri we gök önümleri Gün şöhlesini özünde has köp saklaýar we beden üçin zerur bolan minerallary we witaminleri öz içine alýar. Bu iýmitleri, esasanam, gyşda çig ýa-da bişirilen görnüşde iýmek maslahat berilýär.
Aýwada – A we B witaminleri, köp mukdarda kaliý, tanin we beden garşylygy üçin peýdaly kalser duzlary bardyr.
Hyýar – kükürdi öz içine alýar. Bedeni ýokançlyklara garşy güýçlendirýär, iç gatamagynyň öňüni alýar, böwrek we ýürek kesellerinde bedende ýygnanan suwy aýyrmaga kömek edýär.
Turp – E, A, C, B6, K ýaly witaminleri öz içine alýar. Kaliýniň gowy çeşmesi. Ýadawlyk üçin peýdaly, doýmak duýgusyny üpjün edýär, immun ulgamyny berkitmäge ýardam edýär.
Sarymsak – A, B, C, P witaminlerine we kükürt düzümine baý. Ýokary gan basyşy peseldýär, gany arassalaýar, işdäňi ýokarlandyrýar, iýmit siňdirişini ýeňilleşdirýär we iç gatamagy ýeňilleşdirýär.
Petruşka – A we C witaminleriniň esasy çeşmesidir. Ol hrm ýokary gan basyşyny peseldýär, ýürek ýadawlygynyň öňüni alýar, ganazlygy aýyrýar, öt akymyny ýeňilleşdirýär.
Alma – A we C witaminlerine baý bolup, almada ýokary süýüm hem bar. Immun ulgamyny güýçlendirýär. Iýmit siňdirişini ýeňilleşdirýär, holesterin üçin peýdaly we gan basyşyny peseldýär.
Käşir – A, B1, B2 witaminleriniň we süýüminiň çeşmesidir. Energiýa berýär. Holesterini deňleşdirmäge kömek edýär.
Sogan – bişirilen ýa-da çig iýip bolýan mineral dükandyr. Gyşky kesellere garşy bedeniň garşylygyny ýokarlandyrýar.
Sitrus miweleri – apelsin, mandarin we greýpfrut ýaly sitrus miweleriniň düzüminde C witamini köp. Şeýle hem immunitet ulgamyny berkitmäge kömek edýär we bedeni dümewden goraýar.
Nar – fol turşusyna baý bolup, düzüminde A we C witaminleri, selen, magniý we fosfor ýaly minerallary saklaýar. Immun ulgamyny berkitmäge kömek etmek bilen birlikde, ýadawlyk üçinem peýdalydyr.
Ysmanak – demire we beloga baý bolup, immun ulgamyny berkitmäge uly kömek edýär.
Begendik BABAÝEW,
Türkmen oba hojalyk institutynyň 5-nji ýyl talyby.
