Ýewraziýa halklarynyň Assambleýasy Ýewraziýa ÝUNESKO-syny esaslandyrmak başlangyjyny öňe sürdi.
Assambleýa, ilkinji nobatda, medeni hem-de tebigy gymmatlyklary hasaba almak bilen meşgullanar. Baş sekretar Andreý Belýaninowyň bellemegine görä, bu başlangyç Bütindünýä medeni we tebigy mirasy goramak boýunça Konwensiýanyň 50 ýyllygyna bagyşlanan halkara forumyň çäklerinde ÝUNESKO-nyň işini mundan beýläk-de ösdürmek maksady bilen öňe sürüler.
Şu ýylyň 5-8-nji dekabry aralygynda Kazanda Bütindünýä medeni we tebigy mirasy goramak boýunça Konwensiýanyň 50 ýyllygyna bagyşlanan halkara forum geçirildi. Bu foruma bütindünýä mirasy boýunça öňdebaryjy daşary ýurtly bilermenler, şeýle-de, bütindünýä mirasynyň ýadygärliklerini dolandyrýan ylmy jemgyýetçilikleriň wekilleri, medeniýet, daşky gurşaw, bilim ulgamlary boýunça hünärmenler gatnaşdylar. Ýewraziýa halklarynyň Assambleýasynyň esasy maksady köptaraplaýyn hyzmatdaşlygy we jemgyýetçilik diplomatiýasyny ösdürmek arkaly parahatçylygy we ylalaşygy ýola goýmak üçin sosial integrasiýa modeliniň emele getirmekden ybaratdyr.
«TürkmenGazet».
