13-nji iýulda gadymy Buhara şäherindäki Nedir Dewonbegi medresesiniň dabaraly çäreler geçirilýän meýdançasynda türkmen-özbek dostluk konserti geçirildi. Bu barada «Türkmenistan» gazeti habar berýär.
Buhara agşamy dostluk owazlaryna, dürli yşyklara beslendi. Konserte iki ýurduň işewür toparlarynyň wekilleri, syýahatçylar, Buharada ýaşaýan türkmen diasporasynyň maşgalalary, bu ýerde okaýan türkmen talyplary gatnaşdylar.
Konsertiň meýilnamasy türkmen we özbek halklarynyň nusgawy hem-de häzirki zaman aýdymlaryndan, milli tanslardan ybarat boldy.
«TürkmenGazet».
