«Apple»-iň birnäçe wagt bäri üstünde işleýän ilkinji «akylly» äýnekleriniň bahasy we jikme-jiklikleri peýda bolup başlady. Bu barada degişli internet çeşmesinde habar berildi.
«Apple» barada aýdylanda, aşa gymmat bahalar bizi geň galdyrmaýar. Ýöne «Apple Glass»-yň bahasy muňa degişli däl. Mälim bolşy ýaly, «Apple» birnäçe wagtdan bäri «AR» tehnologiýalarynyň üstünde işleýär. Bu ýagdaý barada bolsa ilkinji bolup, «Apple» kompaniýasynyň direktory Tim Kuk beýan edipdi.
«Apple» soňky 2 ýyldan bäri ilkinji «akylly» äýnegini çykarmak üçin birnäçe işleri alyp barýar. «Apple Glass» ady bilen gelmegine garaşylýan bu äýnegiň bize näme wada berjekdigi bolsa häzirlikçe syr bolup galýar.
Ählimize mälim bolşy ýaly, «Apple»-e gezek gelende, bu önümiň üstünlikli boljakdygyny aýdyp bileris. Kupertinoda ýerleşýän kompaniýa «Apple Glass»-yň bahasyny 2000 dollar diýip kesgitläpdir.
«Apple Glass»-yň haçan satuwa çykjakdygy barada bolsa heniz anyk maglumat ýok.
«TürkmenGazet».
