«Mançester Ýunaýtediň» hüjümçisi Kriştianu Ronaldo APL-iň aprel aýyndaky iň gowy futbolçysy boldy. Bu hakda «sports.ru» habar berýär.
37 ýaşly portugaliýaly futbolçy aprel aýynda 4 sany oýunda 5 gol urmagy başardy.
Ronaldodan başga-da, Natan Kollinz («Býornli»), Kewin de Brýuýne, Gabrie Jezus («Mançester siti»), Bruno Gimaraýş («Nýukasl»), Son Hin Min («Tottenhem»), Tiago Alkantara («Liwerpul») we Leandro Trossar («Braýton») bu baýraga dalaşgär boldular.
Ronaldo 2021-2022-nji ýylyň möwsüminde ikinji gezek Premýer-ligada aýyň iň gowy futbolçysy baýragyny aldy. Ol birinji gezek bu baýraga 2021-nji ýylyň sentýabr aýynda eýe boldy.
«TürkmenGazet».
